Polisi y’u Rwanda kuri uyu wa Gatanu tariki ya 16 Gicurasi, yungutse abapolisi 833 bo mu mutwe udasanzwe.
Kuri uyu wa Gatanu ni bwo Umuyobozi Mukuru wa Polisi y’u Rwanda, CG Felix Namuhoranye yasoje amasomo y’ibanze y’uriya mutwe wihariye wa Polisi (Basic Police Special Forces course).
Amahugurwa bahabwaga yari amaze amezi 3, akaba yaberaga mu kigo cya Polisi gitangirwamo amahugurwa yo kurwanya iterabwoba (CTTC) giherereye i Mayange mu Karere ka Bugesera.
Yitabiriwe n’abagera kuri 833 barimo ab’igitsinagore 205.
Bariya bapolisi bagize icyiciro cya kabiri cy’abapolisi bo muri uriya mutwe u Rwanda rufite.
Ni nyuma y’icya mbere kigizwe n’ababarirwa muri 283 basoje amasomo muri Mata 2024.
