Umunya-Kazakhstan Yegveniy Fedorov ukinira ikipe ya Vino-Astana Motors yo muri icyo gihugu ni we wegukanye agace ka mbere ka Tour du Rwanda 2020 yatangiye kuri uyu wa 23 Gashyantare.
Uyu mukinnyi atwaye aka gace ka Kigali-Rwamagana-Kigali yari amaze igihe kinini ari kumwe n’Umunyarwanda Uhiriwe Renus ukinira Benediction Club ndetse na Maral-Erdene Batmunkh ukinira ikipe ya Terengganu.
Aka gace kajya kugana ku musozo, umunya-Erithrea ukinira ikipe ya Bike Aid mu Budage, Debesay Mekseb yacomotse mu gikundi ajya guhatana na ba Uhiriwe Renus bamaze igihe kinini bari imbere gusa na we ntiyashoboye kuryegukana.
Ku musozo w’aka gace, yaba Uhiriwe Renus, Maral-Erdene na Mekseb ntibabashije kuza no mu myanya 10 ya mbere. Ku rutonde rw’agateganyo, Mekseb aza ku mwanya wa 11.
Aka gace kari gafite intera y’ibilometero 114.4 (114.4 km).
