Angalau watu saba wamefariki baada ya daraja la barabara kuanguka juu ya reli ya treni nchini Urusi, karibu na mpaka wa Ukraine, kwa mujibu wa huduma za dharura.
Daraja hilo, lililoko Bryansk, lilianguka likiwa na malori mazito na likadondokea juu ya treni ya abiria usiku wa kuamkia Jumapili. Ripoti zinasema kuwa watu wengine 31 walijeruhiwa.
Wizara ya Dharura ya Urusi imesema kuwa vikosi vya zimamoto na waokoaji walifanya juhudi kuwaokoa waliokuwa kwenye treni hiyo, kwa mujibu wa taarifa kutoka BBC.
Katika taarifa iliyochapishwa kwenye Telegram, Shirika la Reli la Moscow lilisema kuwa daraja hilo lilivunjika “kutokana na kuingiliwa kinyume cha sheria kwa shughuli za usafirishaji.”
Baada ya saa chache, daraja la pili pia lilianguka katika barabara ya Trosna-Kalinovka, katika eneo la Kursk, kulingana na Alexander Khinshtein, gavana wa muda wa mkoa huo.
