Ikipe ya Rayon Sports iri mu nzira zo kwegukana myugariro w’umunya-Uganda, Nicholas Mwere.
Mwere w’imyaka 24 y’amavuko, amaze imyaka ubiri akinira ikipe ya Bull FC y’iwabo.
Amakuru avuga ko ibiganiro hagati ya Gikundiro n’uyu myugariro ukina inyuma ibumoso bigeze kure, kugira ngo azaze guha akazi Hakim Bugingo usanzwe akinira iyi kipe.
Mu mwaka ushize w’imikino wa 2024/25 Mwere yakiniye Bull FC imikino 22, ayitsindira igitego kimwe ndetse anatanga imipira ibiri yavuyemo ibitego.
