Ibitangazamakuru byaho bivuga ko Polisi yataye muri yombi umwana w’imyaka 15 ukekwaho icyaha nk’uko iyi nkuru dukesha Deutsche Welle ivuga.
Umugore we, Maria Claudia Tarazona, yahamagariye igihugu gusengera ubuzima bwe.
Ati: “Muri iki gihe Miguel ararwanira ubuzima bwe. Reka dusabe Imana kuyobora amaboko y’abaganga barimo kumuvura”.
Ishyaka rya Centro Democratico rya Uribe ryamaganye icyo gitero, rivuga ko “kibangamiye ubuzima bw’umuyobozi wa politiki … demokarasi n’ubwisanzure muri Colombia”.
Amashusho yashyizwe kuri internet asa nk’ayerekana umukandida igihe yaraswaga mu mutwe hagati mu ijambo rye, bigatuma abari bateraniye aho bahunga bafite ubwoba.
Ibiro ntaramakuru by’Abafaransa byatangaje ko abashinzwe gutabara bavuze ko yarashwe mu ivi kabiri no mu mutwe. Yajyanywe mu ndege ku ivuriro rya Sante Fe aho abamushyigikiye bateraniye bagiye kwifatanya n’umuryango kumuba hafi.
