Agasozi ka Nkobe, bivugwa ko ari ingenzi gaherereye muri Gurupoma ya Kisimba (Teritwari ya Walikale), muri Kivu y’Amajyaruguru, kaje kwigarurirwa na FARDC na Wazalendo, ku wa Gatanu, itariki ya 6 Kamena ngo nyuma y’imirwano ikaze n’inyeshyamba za AFC / M23.
Amakuru aturuka muri ako gace avuga ko FARDC na Wazalendo baragenzura imisozi ireba imidugudu ya Kalinga na Kisone, na yo ikaba igenzurwa n’igisirikare nk’uko iyi nkuru dukesha Actualite.cd ivuga.
Amakuru agera kuri uru rubuga yongeraho ko inyeshyamba za AFC / M23 zasubiye inyuma zerekeza Ikobo, aho kuva ku wa Gatanu zakajije ibirindiro byabo i Rusamambu na Bukumbirwa mu rwego rwo kwitegura ibitero bishobora kugabwa ku ngabo za leta.
Amakuru aturuka mu buyobozi mu murenge wa Wanianga wa Walikale, aburira ko inyeshyamba ziri kugerageza kugota Umujyi wa Pinga, bagahamagarira igisirikare kongera ingufu muri ako karere kugira ngo barwanye iterambere rya AFC / M23.
Iyi mirwano mishya, umubare w’abantu bayigwamo ukomeje kutamenyekana, biravugwa ko yimuye abantu babarirwa mu magana babayeho mu buryo bubi muri iki gihe.
