Abadepite ku rwego rw’igihugu n’intara bakomoka muri Kivu y’Amajyaruguru na Kivu y’Amajyepfo baramagana icyo bita “ubukangurambaga bwo gusebanya” bugamije gutesha agaciro Wazalendo, imitwe yitwaje intwaro ishyigikira FARDC mu kurwanya M23.
Batunga urutoki cyane cyane raporo ya Institut Ebuteli, bashinja guteza inkeke abo barwanyi, bo babona ko ari “abarinzi” b’ubusugire bw’igihugu nk’uko iyi nkuru dukesha Kivu Morning Post ivuga.
Aba bayobozi batowe barahamagarira Perezida Tshisekedi gukomeza gushyigikira Wazalendo, nubwo bavuga ko bamwe mu bamwegereye bayinenga.
Bagaragaje uruhare izo nyeshyamba zagize mu kurwanya M23 kandi bakomeza baburira bati: “Kuba amasasu ataguruka ntibisobanura ko intambara yarangiye.”
Aba badepite batatangajwe amazina kandi barasaba ko izi nyeshyamba zihabwa ibikoresho bifatika kugirango zikomeze ubutumwa bwazo.
