Ihuriro Alliance Fleuve Congo (AFC) ribarizwamo umutwe wa M23, kuri uyu wa Gatatu tariki ya 11 Kamena ryatangaje Busu Bwa Ngwi Nshombo Patrick nka Guverineri mushya w’Intara ya Kivu y’Amajyepfo.
AFC/M23 yemeje ko yamuhaye ziriya nshingano biciye mu itangazo ryashyizweho umukono n’umuhuzabikorwa wayo, Corneille Nangaa Yobeluo.
Busu Bwa Ngwi Nshombo Patrick wagizwe na M23 Guverineri wa Kivu y’Amajyepfo, asanzwe azwi cyane muri iyi ntara, ndetse mu mwaka ushize wa 2024 ari mu bari bahataniye gusimbura ThĂ©o Ngwabije wahoze ari Guverineri wayo.
Icyo gihe yabaye uwa gatanu, mu matora yasize Jean-Jacques Purusi wahunze i Bukavu M23 ikimara gufata uyu mujyi ari we utorewe kuyobora iriya ntara.
Busu Bwa Ngwi Nshombo Patrick, yasimbuye ku nshingano zo kuba Guverineri wa Kivu y’Amajyepfo Birato Rwihimba Emmanuel uheruka kugirwa Umuyobozi w’Ibiro Bishinzwe Uburezi ndetse no Guteza Imbere Ubucuruzi n’Ishoramari mu mujyi wa Goma.
