Kuri uyu wa Mbere Iran yarashe ibirindiro by’ingabo za Amerika biri mu bihugu bya Qatar na Iraq, mu rwego rwo kwihimura ku bitero iki gihugu giheruka kuyigabaho.
Iran yemeje aya makuru biciye mu itangazamakuru rya Leta y’iki gihugu.
Amakuru avuga ko missile esheshatu zirasa kure ari zo Iran yarashe ku birindiro by’ingabo za Amerika biri muri Qatar.
Iturika ry’izi missile ryumvikanye i Doha mu murwa mukuru wa Qatar.
Minisiteri y’Ingabo za Qatar yatangaje ko ubwirinzi bw’ikirere cy’iki gihugu bwashoboye gushwanyaguza ziriya missile zose zarashwe mu birindiro bya Al Udeid Air Base, ku buryo nta muntu zigeze zica cyangwa ngo zimukomeretse.
Mbere y’uko Iran irasa biriya bitero, Qatar yari yatangaje ko ifunze by’agateganyo ikirere cyayo ku ndege zayo.
