Urunturuntu mu masezerano yo kwamamaza RDC yagiranye n’amakipe yo mu Burayi

Intego yavuzwe: kumenyekanisha intero “DRC, Umutima wa Afurika.”  Nk’uko uyu munyamakuru n’umwanditsi w’Umufaransa abivuga ariko: “nta jambo na rimwe muri iyo ntero rigaragara kuri jersey y’amakipe ya mbere.”

Byose byatangiranye n’amasezerano ya miliyoni 1.6 USD na AS Monaco, hakurikiraho amasezerano ya miliyoni 14 na AC Milan, none hiyongereyeho miliyoni 10 z’ama euro buri mwaka ku masezerano y’ubufatanye arimo kurangizwa na FC Barcelona.

Ibi byose biri mu rwego rwo “kugaragaza neza isura ya Repubulika ya Demokarasi ya Congo ku ruhando mpuzamahanga”.

Ariko nk’uko umunyamakuru Romain Molina abitangaza, ngo nta kipe n’imwe izambara imyenda iriho amagambo yamamaza Congo muri iyi saison.

Muri Milan, umwanya wo kwamamaza ngo wari wamaze kugurishwa mbere y’uko amasezerano asinywa.

Muri Monaco, ibirango byamamaza DRC bizagaragara gusa ku myenda imwe y’abakiri bato cyangwa amakipe y’ingimbi.

Molina avuga ko ku bijyanye na FC Barcelona, aya masezerano azaba afite agaciro ka miliyoni 45 z’amayero mu myaka ine, ayo akaba yiyongereyeho miliyoni 5 z’amayero ku mukino umwe udasanzwe aho Balcelona izajya yambara umwenda wanditseho “DRC, Umutima wa Afurika.” Umukino umwe, miliyoni 5 €.

Intambara muri za minisiteri