Kuri uyu wa Kabiri, itariki 8 Nzeri, Inteko Ishinga Amategeko y’u Bufaransa yakuyeho guverinoma kubera gahunda zayo zo gukemura ikibazo cy’imyenda y’igihugu, birushaho gukomeza ibibazo bya politiki biri guca intege ubukungu bwa kabiri mu karere ka Euro.
Abadepite batoye kwirukana Minisitiri w’Intebe Francois Bayrou na guverinoma ye ku majwi 364 ku 194 y’abamushyigikiye.
Perezida Emmanuel Macron, ukomeje gusabwa n’abatavuga rumwe n’ubutegetsi gusesa inteko ishinga amategeko no kwegura, ahubwo arateganya gushaka minisitiri w’intebe we wa gatanu mu gihe kitarenze imyaka ibiri.
Ibiro bya Perezida Macron byavuze ko azashyiraho undi uzasimbura Bayrou, wari kuri uyu mwanya kuva mu Kuboza 2024, mu minsi mike iri imbere.
