Kuri uyu wa Kane, ku mupaka w’u Rwanda n’u Burundi habereye agashya ubwo umuntu wari wambaye amapingu yagiraga atya agacika abashinzwe umutekano mu Burundi agahita yambuka umupaka agahungira mu Rwanda.
Nk’uko ababibonye babitangaza, ngo uyu musore yari yatawe muri yombi ku gicamunsi cyo kuri uyu wa Kane n’abashinzwe umutekano mu Ntara ya Cibitoke yegeranye n’u Rwanda. Icyo gihe yambitswe amapingu ashinjwa kuba intasi y’u Rwanda batangira kumuhata ibibazo.
Nyuma ubwo uyu yari agiye kwimurirwa muri kasho, ngo yasimbutse ariruka cyane ariko ku buryo abamukurikiye batabashije kumufata nk’uko Newsofrwanda dukesha iyi nkuru ikomeza ivuga.
[xyz-ihs snippet=”google-pub”]
Ababibonye kandi bavuze ko aba bayobozi b’u Burundi yacitse bamukurikiye ubwo yirukaga bagenda bamutera amabuye.
Iyi nkuru ikaba isoza ivuga ko na nyuma yo kugera mu Rwanda abaturage b’Abarundi n’abo bayobozi bakomeje gutera amabuye mu Rwanda nubwo batari bakibona uyu musore wari umaze gucika.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
