Ku wa Kane, itariki 13 Ugushyingo, BBC yasabye imbabazi Perezida wa Leta Zunze Ubumwe za Amerika, Donald Trump, kubera kw’editinga mu buryo bugamije kuyobobya filimi mbarankuru ya “Panorama”, nk’uko byatangajwe na radiyo ya leta mu Bwongereza, ariko ihakana ko iki kibazo ari impamvu yatuma haba urubanza rwo gusebanya.
Ku itaruki ya 6 Mutarama 2021, Trump yatangaje ko azarega sosiyete y’itangazamakuru akayica miliyari imwe y’amadolari (hafi miliyoni 860 €) kubera kuyobya abayikurikira mu ijambo yagejeje ku bamushyigikiye i Washington, DC, mbere gato y’uko intsinzi ya Joe Biden mu 2020 yagombaga kwemezwa na Kongere.
Porogaramu yahurije hamwe ibice bibiri bivuye mu ijambo rya Trump byari bitandukanijwe n’iminota irenga 50, bituma abantu bumva ko ari we wateje imvururu zo kuri Capitol.
Iyi filimi mbarankuru ya BBC kandi yerekanwe mbere gato y’amatora ya perezida muri Amerika yo mu 2024, yakuwemo n’igice aho Trump yavuze ko yashakaga ko abamushyigikiye bigaragambya mu mahoro.
Iki kibazo cyamaze gutuma Umuyobozi Mukuru wa BBC, Tim Davie, n’Umuyobozi ushinzwe amakuru, Deborah Turness, begura.
