Minisitiri w’ubutabera wa Congo-Kinshasa, Alexis Thambwe Mwamba yatangaje irekurwa ry’imfungwa 24 za politiki mu rwego rwo kugabanya umwuka utari mwiza wa politiki uri kurangwa muri iki gihugu mu gihe hegerejwe ibiganiro hagati y’abanyagihugu.
Ibi minisitiri Tambwe yabitangaje kuri uyu wa Gatanu, itariki 19 Kanama i Kinshasa, ahari inzego zitandukanye za leta zirimo igipolisi, ubushinjacyaha bukuru bwa repubulika n’izindi ndetse na Edem Kodjo wagize uruhare kugirango ibi bigerweho.
Ku rutonde rw’abantu 26 ubutabera bwari bwahawe n’abatavuga rumwe n’ubutegetsi basabirwa kurekurwa, babiri bari bafungiwe gufata ku ngufu n’ubutekamutwe bo ntabwo bahawe imbabazi nk’uko radio Okapi ivuga.
Abo ni Eugène Diomi Ndongala, perezida w’ishyaka ritavuga rumwe n’ubutegetsi ryitwa Démocratie chrétienne, na Jean-Claude Muyambo, perezida wa SCODE (Solidarité congolaise pour la démocratie et le développement).
Uwa mbere akurikiranweho gufata ku ngufu, mu gihe uwa kabiri ashinjwa ubutekamutwe.
[xyz-ihs snippet=”google-pub”]
Minisitiri w’ubutabera wa Congo kandi yaboneyeho gutangaza ifungurwa ry’amateleviziyo yari yarahagaritswe ari yo; Canal Kin- Télévision (CKTV), yegereye cyane Jean-Pierre Bemba, na Canal Futur (CF), nayo yegereye Vital Kamerhe.
Dore urutonde rw’abantu barekuwe
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
