Mu gihe bitangazwa ko urwicyekwe rukiri rwose mu gisirikare cy’u Burundi, kuri ubu amakuru agera kuri Bwiza.com ni uko Mjr Clément Hamenyimana we ubu yatawe muri yombi.
Nk’uko bigaragara ku rukuta rwa twitter rwa Pacifique Nininahazwe , umuyobozi w’ishyirahamwe FOCODE , ngo Mjr Clément Hamenyimana yafatiwe mu gace ka Gitega.
Yagize ati: “yaboshywe ashyirwa inyuma muri Pick Up (imodoka) arajyanwa”.
Uyu musirikare ngo akaba yatwawe n’abapolisi 6 bakora muri perezidansi bakaba bamuboshye bamaze kumukubitiri imbere y’umuryango we n’abandi baturage iwe mu rugo mu gace ka Shatanya (Gitega), ubu aho yajyanwe hakaba hatazwi.
Mjr Clément Hamenyimana watawe muri yombi ni umusirikare w’u Burundi na mbere y’amasezerano yo kuvanga ingabo zari iza Leta EX FAB(ubu) n’inyeshyamba za CNDD FDD, icyo yazize kikaba kitaratangazwa mu gihe yari umuyobozi w’ingabo wungirije muri batayo 221 y’i Ruyigi.
Abasirikare bahoze mu gisirikare cya Leta mbere y’amasezerano yo muri 2005, bamwe bagiye bicwa abandi barafungwa, ku ikubitiro uwishwe ni Col Jean Bikomagu, Gen Maj Athanase Kararuza,…N’abandi bakaba bakomeje kugira impungege z’ubuzima bwabo dore ko abarenga 11 muri iyi minsi batorotse batinya ko bazicwa cyangwa bakagirirwa nabi kubera ubwoko bwabo.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Theoneste/Bwiza.com
