Minisiteri y’Ubuzima mu Rwanda kuri uyu wa 14 Nyakanga 2020 yatangaje ko hagaragaye abantu 38 banduye Covid-19 mu bipimo 5705 byafashwe. Hagaragaye imibare myinshi y’abanduye iki cyorezo mu mujyi wa Kigali no mu Karere ka Nyamasheke.
Ababonetse muri Kigali ni 18 barimo itsinda riri mu kato ryitabwaho by’umwihariko. Harimo kandi abo muri Nyamasheke 12 bapimiwe ahagaragaye ubwandu bwinshi. Harimo abandi 4 babonetse mu Karere ka Rusizi, 2 bo muri Rubavu, 1 wo muri Kirehe n’undi 1 wo muri Nyabihu.
Abamaze gukira iki cyorezo bageze kuri 737 barimo 27 b’uyu munsi.
Muri rusange abamaze kugaragaraho iki cyorezo mu Rwanda ni 1416, abakirwaye bageze kuri 675. Abamaze gupfa ni bane barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko n’umusaza w’imyaka 78 y’amavuko.
