Kuri uyu wa Kane, itariki 11 Kamena 2026, Minisitiri w’Intebe wungirije akaba na Minisitiri w’Ububanyi n’Amahanga w’u Bubiligi,Maxime Prévot, yakiriye Umunyamabanga Mukuru wa Francophonie, Louise Mushikiwabo, washimye ubufatanye bwiza hagati y’Ubwami bw’u Bubiligi na OIF (Umuryango mpuzamahanga w’ibihugu bikoresha Igifaransa).
Ibiganiro byibanze ku byo Francophonie ishyize imbere mbere y’inama ya Phnom Penh, ndetse no ku ngingo zitandukanye impande zombi zifitemo inyungu, nko kurwanya ikwizwa ry’amakuru y’ibinyoma, guteza imbere indimi nyinshi, ndetse n’ibikorwa bikorwa na OIF mu rwego rw’ubwenge buhimbano (AI).
Umunyamabanga Mukuru yaboneyeho umwanya wo gushimangira ku giti cye ko OIF ishyigikiye kandidatire y’u Bubiligi yo kwakira Ubunyamabanga bw’Amasezerano y’Umuryango w’Abibumbye ku Kurinda Urusobe rw’Ibinyabuzima mu mazi mpuzamahanga.
