Ikigo gishinzwe umutekano wo mu mazi cy’u Bwongereza cyatangaje ko ubwato bw’imizigo bwarashwe “igisasu kitazwi” mu Muhora wa Hormuz.
Iki kigo kivuga ko ibi byabereye hafi y’inkombe za Oman, kandi ko biri gukorwako iperereza, ariko nta makuru arambuye cyatanze ku byaba byangiritse cyangwa niba hari abapfuye.
Ibi bibaye mu gihe ibihugu bya Leta Zunze Ubumwe za Amerika na Irani birimo gutanga amakuru avuguruzanya ku bijyanye n’uko byaba biri mu biganiro.
Kuri uyu wa Mbere ushize, Perezida Donald Trump yemeje ko ibiganiro birimo biraba “ako kanya” nk’uko bitangazwa na BBC.
Avugana n’abanyamakuru muri White house yagize ati: “Ibiganiro birimo gukomeza muri aka kanya, kandi aya ni yo mahirwe yabo ya nyuma yo gushyira umukono ku nyandiko nziza”.
Yavuze ko Irani irebye nabi ishobora “gucibwa umutwe” keretse yemeye amasezerano arimo gufungura Umuhora wa Hormuz kugira ngo amato ashobore gutambuka nta nkomyi no kureka umugambi wayo wo gucura intwaro za kirimbuzi.
Perezida Trump yemeje ko ibyo biganiro birimo kuba “bisabwe” na Iran, kandi ko bihagarariwe na Arabiya Sawudite, UAE, hamwe na Qatar, nyamara mbere y’aho, Iran yari yahakanye ko iri mu biganiro bitaziguye na Amerika.
