Uyu munsi ku itariki 10 Kanama, hasojwe Itorero Itorero Indangamirwa icyiciro cya 16 rimaze iminsi 40 ribera muri CTC-Gabiro mu Karere ka Gasabo, kuva ku itariki 1 Nyakanga 2026.
Urubyiruko rwaryitabiriye rwahawe inyigisho zitandukanye zigamije kububakamo indangagaciro na kirazira by’umuco nyarwanda no kurangwa n’umuco w’Ubutore; kuba Intagamburuzwa mu bibazo bahura na byo mu buzima; kuba abaranga b’u Rwanda barushakira imbuto n’amaboko hirya no hino; no gusobanukirwa amateka y’u Rwanda.
Rwasobanuriwe kandi icyerekezo cy’Igihugu, kungurana ibitekerezo bigamije kumva uruhare rwabo mu iterambere ry’igihugu no kurinda ibyagezweho nk’uko byatangajwe na Minisiteri y’Ubumwe bw’Abanyarwanda n’Inshingano mboneragihugu.
Mu ijambo rye, Minisitiri Jean Damascene Bizimana yashimiye urubyiruko rwitabiriye iri Torero, ababyeyi babo babemereye kuryitabira ndetse n’abantu bose bagize uruhare mu gutuma rigenda neza.
Yashimiye ababahaye ibiganiro n’amasomo ku ngingo zitandukanye zireba ubuzima bw’Igihugu, ubumenyi bw’ibanze bwa gisirikare, ingendo-shuri bakoreye ahantu hatandukanye hagaragaza amateka y’u Rwanda, kuko byabafashije kurushaho kugira imyumvire myiza yo kwihesha agaciro, kwiteza imbere, kwigira no kwitangira Igihugu.
Yasoje abifuriza kuba Imbangukirabigwi, Inyangagusumbwa, Indashyikirwa n’Indatsimburwa, Abadasumbwa n’Abadasumbanya, Inyamamare n’Inyangagusumbwa, Rudahangarwa na Rugwizakurinda, Rwizihirakubarusha na Rwizihirwahakomeye.
Mu basoje itorero harimo abiga cyangwa ababa mu mahanga, abasoje amashuri yisumbuye mu mashuri mpuzamahanga yo mu Rwanda, ababaye indashyikirwa ku Rugerero rw’Inkomezabigwi icyiciro cya 13 n’abanyeshuri bo mu mashuri makuru na kaminuza.
