Kuri iki Cyumweru gishize, itariki 20 Nzeri, mu Murenge wa Kabagari mu Karere ka Ruhango umumotari yagwiriwe n’igiti ahita apfa uwo yari ahetse arakomereka bikomeye.
Ni moto ifite Plaque RF 996 C yari itwawe n’uwitwa Mbarushimana Joseph w’imyaka 26, ukomoka Karere ka Nyanza yagwiriwe n’igiti batemaga ku muhanda uri mu Murenge wa Kabagari.
Iyi moto ikaba yari ikuye uyu mugenzi utaha mu bice bya Rwoga aturutse za Karongi.
Umugenzi wari kuri iyo moto witwa Mukabideri Cecile w’imyaka 40 ukomoka mu Murenge wa Kabagali, ari kuvurirwa mu bitaro bya Gitwe mu Karere ka Ruhango nk’uko iyi nkuru yatangajwe na KTRadio ikomeza ivuga.
Umunyamabanga Nshingwabikorwa w’Umurenge wa Kabagali yatangaje ko abatemaga ibi biti ku muhanda ari ikigo cyari kibifitiye uburenganzira cyitwa Gameco.
Ati: “Hari kampani ifite isoko ryo gukora imbaho zubaka amashuri…yitwa Gameco….bafite isoko ryo ku rwego rw’igihugu.”
Yabajijwe impamvu igiti cyaguye umumotari ahageze abazwa nib anta buryo bari bashyizeho bwo gutangira abantu bahasatiraga ngo hataba impanuka nk’iyi, asubiza agira ati: “Simbizi polisi iracyabikurikirana ariko, icyo bambwiye nukoo bamuhagaritse agakomeza akagenda…”
