Binyuze muri gahunda ya Leta y’Ubwishingizi bw’ibihingwa n’amatungo yiswe Tekana, kuri uyu wa Kane, itariki 24 Nzeri, abahinzi b’umuceri bo mu Karere ka Bugesera bari baraguze ubwishingizi bakaba barahuye n’ibiza bikabatera igihombo mu gihembwe cy’ihinga cya 2020B, bishyuwe agera 225,899,378 Frw.
Kuva iyi gahunda ya Tekana yatangira muri Mata 2019, Ikigo cy’ubwishingizi, Radiant cyishyuye abahinzi uyu munsi, kimaze guha ubwishingizi koperative 68 mu gihugu hose zifite ubuso busaga Ha 8000. Koperative 58 zahuye n’ibiza zikaba zimaze kwishyurwa 316,512,784 Frw.
Iyi Gahunda ya ‘Tekana urishingiwe Muhinzi mworozi’, yatangijwe ku mugaragaro kuwa 23 Mata 2019, ikaba kugeza ubu ikorera mu Turere twose tw’igihugu. Mu bihingwa hishingirwa umuceri ,ibigori, ibirayi, urusenda, n’imiteja naho mu bworozi ni inka z’umukamo, ingurube ndetse n’inkoko.
