Michelle Obama, umufasha w’uwahoze ari Perezida wa Leta Zunze Ubumwe za Amerika, Barack Obama, yongeye kwibasira Perezida w’iki gihugu kuri ubu, Donald Trump, avuga ko agira “ivanguramoko” kandi abiba “ubwoba n’urujijo” mu mitekerereze y’Abanyamerika.
Ibi uwahoze ari umugore wa mbere muri Amerika yabitangaje mu gihe hasigaye ukwezi kumwe ngo habe amatora y’umukuru w’igihugu ateganijwe ku itariki 03 Ugushyingo 2020.
Ni ubutumwa bugaragara kuri videwo yagiye ikwirakwizwa ku mbuga nkoranyambaga zitandukanye nk’uko tubikesha urubuga msn.com dukesha iyi nkuru.
Yagize ati: “Ibyo perezida akora biragaragara ko ari bibi, ni bibi kandi yego, ni ivanguramoko”, avuga ko ku bijyanye n’imyigaragambyo yo kwamagana ubugome bwa polisi yagereranyije Donald Trump n’iterabwoba ry’imbere ”.
Imyigaragambyo yo kurwanya ivanguramoko yatewe n’urupfu rwa George Floyd rimwe na rimwe yagiye ihinduka imvururu, ndetse hamwe habaye ibintu bibabaje nyuma yo gutabara kw’abarwanyi b’abahezanguni.
Mu butumwa bwa videwo, Michelle Obama yagize ati: “Ariko, igice gito cy’imyigaragambyo nicyo cyabayemo ubugizi bwa nabi”. Yahamagariye Abanyamerika guhaguruka bagashyigikira umukandida Joe Biden “umuyobozi ufite umutima, uburambe ndetse n’imyitwarire ikenewe mu kutugeza ku minsi myiza ”.
Yavuze ko kubera “ibinyoma” bya Donald Trump n’ubugambanyi busaze bwagiye busubirwamo”, “n’abantu bashyira mu gaciro bashobora gutinya,”.
Ati: “Kandi ikintu cyonyine uyu muperezida ashoboye ni ugukoresha iterabwoba no urujijo, no gukwirakwiza ibinyoma kugira ngo atsinde. ”
Mu mpera za Kanama mu nama y’Abarepubulikani, Donald Trump yari yatangaje ko abo bahanganye nibajya ku butegetsi, bazasenya mu nkengero z’imijyi (hatuwe cyane n’abakene). Yongeyeho ko “Abademokarate bashyigikira “abadaharanira inyungu, abigaragambya, abasahuzi ndetse n’abatwika ibendera ry’igihugu”.
Michelle Obama ati: “Tekereza uko wumva ukekwa kuva ukivuka, kubera ibara ry’uruhu rwawe”. ku batoye batarafata umwanzuro. Afite impungenge:
“Ivanguramoko, ubwoba, amacakubiri. Ni intwaro zikomeye kandi zishobora gusenya igihugu mu gihe zitagabweho igitero. ”
Muri Kanama nabwo mu nama y’Abademokarate, Michelle Obama yari yatunze urutoki Donald trump amushinja amacakubiri no kutagira impuhwe.
