Tariki 17 Ukwakira 2020, ikinyamakuru Forbes Magazine cyasohoye urutonde rw’abakinnyi ba filimi binjije amafaranga menshi mu mwaka 2020. Ni urutonde ruyobowe n’umunyamerika ukomoka muri Canada Dwayne” The Rock” Johnson winjije miliyoni 87.5 muri uyu mwaka.
1. Dwayne Johnson yinjije miliyoni 87.5
Dwayne Johnson uzwi nka The Rock ni umukinnyi wafilimi w’icyamamare ukunzwe cyane muri leta zunze ubumwe z’Amerika.The Rock yavukiye muri Canada. Aje kuri uru rutonde inshuro 2 zikurikiranya ariwe uruyoboye.
Usiye kuba yarubatse umubiri, The Rock akundirwa ubudasa agaragaza muri filimi z’ibikorwa (Action movies) binatuma buri mwaka yinjiza agera kuri miliyoni 23 ahabwa n’urubuga Netflix rucuruza filimi mu buryo bw’ikoranabuhanga. Muri uyu mwaka 2020, mu gihe abandi bahombejwe na Covid-19, The Rock yinjije miliyoni 87.5 nk’ibihembo muri filimi yagaragayemo. Filimi zakunzwe yagaragayemo ni: Scorpion King, Fast & Furious, Jumanji Welcome to the Jungle, Rampage n’izindi.
2. Ryan Reynolds – Yinjije miliyoni 71.5
Umuknnyi wa filimi akaba n’uzitunganya, Reynolds Ryan, ukomoka muri Amerika uyu mwaka yinjije miliyoni 71.5 z’amadorari ya Amerika. Ryan Reynolds buri filimi imwe atunganije ahembwa miliyoni 20 z’amadori ya Amerika. Zimwe muri filimi yatunganije zirmo Free Guy, The Croods: A New Age na The Hitman’s Wife Guard.
3. Mark Wahlberg yinjije miliyoni 58
Mark Wahlberg ni umukinnyi wa filimi uvuka muri Leta zunze ubumwe za Amerika. Usibye kuzikina Mark aranazitunganya. Filimi akora ni zimwe mu zirebwa cyane kuri Netflix. Muri uyu mwaka gusa, Mark yinjije amadorari miliyoni 58.
.
4. Ben Affleck yinjije miliyoni 55
Ben Afleckk ni umukinnyi wa filimi ukomeye muri Amerika. Azwi cyane ku mazina ya The Way Back, ikaba inshuro ya mbere aje mu rutonde rw’abakinnyi 10 ba mbere binjiza menshi ku mwaka aho yinjije miliyoni 55 z’amadorari.
5. Vin Diesel yinjije miliyoni 54
Vin Diesel ni umuknnyi wa filimi uzwi cyane muri Hollywood. Uyu yamenyekanye cyane muri filimi Fast and Furious. Uyu mwaka Vin Diesel amaze kwinjiza asaga miliyoni 54 z’amadorari.
6. Akshay Kumar yinjije miliyoni 48.5
Akomoka mu Buhinde, akaba Umuhinde rukumbi ugaragara ku rutonde rw’abakinnyi 10 binjiza menshi mu mwaka.
Akshay Kumar ni icyamamare muri Bollywood, cyane ko amaze kugarargara muri filimi zirenga 100 mu myaka 30 amaze muri uyu mwuga.
Bivugwa ko aka kayabo Akshay Kumar akinjiza biturutse ku masezerano menshi yo kwamamaza asinyana n’ibigo bikomeye by’ubucuruzi mu Buhinde no hanze yabwo.
7. Lin-Manuel Miranda yinjije miliyoni 45.5
8. Will Smith yinjiza miliyoni 44.5
9. Adam Sandler yinjije miliyoni 41
10. Jackie Chan –ynjije miliyoni 40
Umukinnyi wa filimi w’umunya Hong Kong Jachie Chan niwe usoza urutonde rw’abakinnyi 10 ba filimi bahembwe menshi muri uyu mwaka 2020.
Jackie Chan yamanyekanye muri Cinema kuva mu myaka ya za 1980, kugeza ubu ni icyamamare , ku buryo filimi agaragayemo biba ari ngombwa ko abantu bayikunda ku buryo butangaje. Uyu mwaka Jackie yinjije miliyoni 40 z’amadorari.
