Mu byumweru bibiri bishize, Inkambi ya Mahama y’impunzi z’Abarundi mu karere ka Kirehe hafi y’umupaka w’u Rwanda na Tanzaniya imaze kugaragaramo abantu 14 bashya banduye COVID-19.
Iyi nkambi icumbikiye impunzi zirenga 60.000 zihaba kuva mu 2015.
Amakuru aturuka mu bayobozi b’inkambi ya Mahama yerekana ko kuva icyorezo cyatangira mu Rwanda hagati muri Werurwe, hamaze kugaragara abantu barenga 80 banduye virus ya Corona muri iyo nkambi.
Kuva mu mpera za Nzeri, impunzi zatangiye gusubira mu gihugu cyazo. Mu gihe mu Rwanda hari ingamba zikaze, kandi imipaka ikaba ifunze, mu Burundi ibintu birahabanye.
Nta masike yambarwa mu Burundi kandi ibikorwa byose birakomeje nta kugenzura. Icyakora, guverinoma yo ivuga ko ikurikiranira iyi virusi hafi.
Mu Rwanda, ubwandu bwose bumaze kugera ku 5.084 harimo na 11 babaruwe ko banduye kuri uyu wa Kabiri. Abagera kuri 95% ariko barakize, mu gihe hamaze gupfa 35.
Abanyarwanda barenga 550.000, ni ukuvuga 1,6% by’abaturage kandi bamaze gupimwa iki cyorezo.
