Minisiteri y’Ubuzima kuri uyu wa Gatandatu w’itariki ya 26 Ukuboza yatangaje ko icyorezo cya COVID-19 kishe abagabo batatu mu Rwanda, mu gihe abacyanduye ari 74.
Abagabo bishwe na COVID-19 barimo babiri b’i Kigali (uw’imyaka 89 n’uwa 71) ndetse n’uw’i Rusizi w’imyaka 61 y’amavuko.
Abanduye COVID-19 bo barimo 37 b’i Kigali, 14 bo mu Gakenke, 9 b’i Rubavu, 7 b’i Gicumbi, 2 b’i Muhanga, 2 b’i Huye, umwe w’i Musanze, uwa Rusizi n’uwo ku Gisagara.
Kuva muri Werurwe uyu mwaka COVID-19 yagera mu Rwanda imaze kwandurwa n’ababarirwa mu 7,817; barimo 72 yishe na 6,227 bamaze kuyikira (barimo 27 b’uyu munsi).
Abakirwaye COVID-19 mu Rwanda ni 1,518.
