Nk’uko bigaragara mu Igazeti ya Leta n° Idasanzwe yo ku wa 31/12/2020, ashingiye ku Itegeko Nshinga rya Repubulika y’u Rwanda ryo mu 2003 ryavuguruwe mu 2015, cyane cyane mu ngingo zaryo, iya 121, iya 122 n’iya 176;
Ashingiye ku Iteka rya Perezida n° 31/01 ryo ku wa 24/1/2018 rishyiraho sitati yihariye igenga abacungagereza, cyane cyane mu ngingo zaryo, iya 17 n’iya 19; Inama y’Abaminisitiri yateranye ku wa 14/12/2020 imaze kubisuzuma no kubyemeza;
Minisitiri w’Ubutabera akaba n’Intumwa Nkuru ya Leta yaciye iteka No 19/MOJ/AG/20 ryo ku wa 31/12/2020 rizamura mu ntera abasuzofisiye n’abawada ba RCS bagera kuri 677.
Aba bacungagereza barimo 110 bahawe ipeti rya Chief Sergeant bavuye ku rya Senior Sergeant (S/SGT), 392 bahawe ipeti rya S/SGT bavuye ku rya Sergeant (SGT), 75 bahawe irya SGT bavuye ku rya Corporal (CPL) n’abandi 100 bahawe irya CPL bavuye ku rya Warder (WDR).
Abacungagereza 35 birukanwe burundu
Ashingiye ku Itegeko Nshinga rya Repubulika y’u Rwanda ryo mu 2003 ryavuguruwe mu 2015, cyane cyane mu ngingo zaryo, iya 121, iya 122 n’iya 176;
Ashingiye ku Iteka rya Perezida n° 31/01 ryo ku wa 24/1/2018 rishyiraho sitati yihariye igenga abacungagereza, cyane cyane mu ngingo zaryo, iya 17 n’iya 79; Inama y’Abaminisitiri yateranye ku wa 14/12/2020 imaze kubisuzuma no kubyemeza;
Minisitiri w’Ubutabera akaba n’Intumwa Nkuru ya Leta, yaciye iteka No. 18/MOJ/AG/20 ryo ku wa 31/12/2020, ryirukana burundu abasuzofisiye n’abawada b’Urwego rw’Igihugu Rushinzwe Imfungwa n’Abacungagereza.
Aba bose ni 35. Ufite ipeti rikomeye kurusha andi ni umwe, ari we Chief Sergeant (C/SGT) Irankunda Gaspard.
Abandi bakurikiraho ni 14 bafite ipeti rya Sergeant, hagakurikiraho 7 bafite ipeti rya Corporal (CPL) n’abandi 13 bafite ipeti rya Warder.
Urutonde rw’abacungagereza birukanwe bose
