Capt. Theophile Twagiramungu wo mu mutwe wa FDLR nawe yatawe muri yombi n’inzego z’umutekano za Repubulika iharanira Demokarasi ya Congo zimufatiye ahitwa Baraka muri Kivu y’Amajyaruguru hafi y’umupaka wa Congo n’u Burundi.
[ad id=”44145″]
Aya makuru yatangajwe na BBC ishami ryayo ryo muri Afurika rivuga ko naryo riyakesha abantu begereye umukuru w’igihugu, avuga ko Theophile Twagiramungu yafatanywe impapuro z’inzira nyinshi z’impimbano, kandi ngo akaba yarazikoreshaga ajya mu Burundi, Tanzania, ndetse no mu Rwanda.
Uyu wahoze afite ipeti rya captaine mu ngabo z’u Rwanda (Ex-Far), yatawe muri yombi kuwa 19 Ukwakira 2016 ariko ngo bigirwa ibanga nk’uko BBC ikomeza ivuga.
Capt. Theophile Twagiramungu ashinjwa kugira uruhare muri Jenoside yakorewe Abatutsi mu Rwanda mu 1994, akaba yari umwe mu bayobozi bakuru b’umutwe wa FDLR, umutwe washinzwe n’impunzi z’Abanyarwanda zahungiye muri Congo.
[ad id=”44145″]
Kuwa mbere w’icyumweru gishize, itariki 24 Ukwakira, nabwo hatangajwe itabwa muri yombi rya Col Habyarimana Mucebo wari ukuriye iperereza mu mutwe wa FDLR, akaba yarafatiwe ahitwa Kiwanja muri Rutshuru ho muri Kivu y’Amajyaruguru.
K anda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
