Umuhire Valentin wari inararibonye mu mwuga w’itangazamakuru ryo mu Rwanda, yapfuye ku mugoroba wo kuri uyu wa 7 Mutarama 2021, azize uburwayi.
Ni amakuru murumuna we wari umurwarije mu bitaro bikuru bya Kigali (CHUK), yahamirije ibitangazamakuru birimo Kigali Today.
Umuhire Valentin yashinze igitangazamakuru gikorera kuri interineti, Value News, akaba yaramenyekanye cyane mu mwuga w’itangazamakuru ryo mu Rwanda, akorera ibitangazamakuru nka RBA, Radio 10, Huguka n’ibindi…
Ari mu banyamakuru bayoboraga ikiganiro Urubuga rw’Itangazamakuru cy’umuryango w’abanyamakuru wa ARJ (Association Rwandaise des journalistes), gitambuka ku bitangazamakuru byose byigenga.
