Raporo Minisiteri y’Ubuzima (MINISANTE) mu Rwanda yasohoye kuri uyu wa 7 n’uwa 8 Mutarama 2021 zigaragaza ko nta muntu n’umwe wakize icyorezo cya Covid-19 muri iyi minsi ibiri, ariko umubare w’abanduye wakomeje kuzamuka, ugera kuri 310.
Nk’uko MINISANTE yabigaragaje kuri uyu wa 7 Mutarama, abanduye ni 167 mu bipimo 5970 byafashwe; mu gihe abo kuri uyu wa 8, ari 143 mu bipimo 4,846.
Imibare ya Covid-19 y’ejo ku wa 7 Mutarama
Imibare y’uyu munsi
Abarwayi babonetse uyu munsi (tariki ya 8) barimo: 101 i Kigali, 12 muri Huye, 7 muri Rubavu, 4 muri Rusizi, 3 muri Kamonyi, 3 muri Kayonza, 1 muri Muhanga, 1 muri Rulindo, 1 muri Ruhango, 1 muri Nyanza, 1 muri Nyagatare n’undi muri Nyamasheke.
Abantu babiri ni bo bapfuye, bakaba ari umukecuru w’imyaka 85 y’amavuko wo muri Nyagatare n’umusaza w’imyaka 62 wapfiriye muri Kigali.
Muri rusange, abamaze kwandura ni 9,368 mu bipimo 760,897 byafashwe. Abakize ni 6940, abakirwaye ni 2,313, mu gihe hamaze gupfa 115.
Bigaragara ko hakomeje kubaho ubwiyongere bw’abandura ku munsi, abakira ntibaboneka nk’uko byagenze muri iyi minsi ibiri, byaba biteye impungenge kuko byakongera umubare w’abakomeje kurwara ubudakira.
