Mu gihugu cy’Afurika y’epfo hakomeje kugaragara mo ibikorwa by’urugomo cyane cyane ibikorerwa abirabura nkuko byagendekeye Victor Mlotshwa washyizwe mu isanduku ari muzima n’abagabo babiri b’abazungu bashaka kumutwika ari muzima.
Mu mashusho y’amasegonda 20 yashyizwe ku mbuga nkoranyambaga agaragaza Mlotshwa w’umwirabura ukomoka mu mugi wa Johannesburg ashyirwa mu isanduku ku gahato n’abagabo b’abazungu; ari bo Willem Oosthuizen na Theo Martins Jackson.
Muri aya mashusho yashyizwe kuri You Tube agaragaza aba bagabo b’abazungu bamushyira mu isanduku, bashaka kumusukaho peteroli bakanashinjwa ko bashaka ga no gushyiramo inzoka ngo imuriremo nkuko Africanews ibitangaza.
[ad id=”44145″]
Biteganyijwe ko aba bagabo bagezwa imbere y’urukiko ruherereye mu majyaruguru y’Uburasirazuba bw’intara ya Mpumalanga kuri uyu wa gatatu ngo bakurikiranweho icyaha cyo gushimuta, ubushotoranyi no gushaka gukora iyicarubozo.
Umuvugizi w’ishyaka ry’abaharanira impinduka, ubukungu n’ubwigenge (EFF); Mbuyiseni Quintin Ndlozi, yatangaje ko abakoze ibi bari bagamije kwishimisha kandi nta kindi bamuzizaga kitari uko ari umwirabura.
Mbuyiseni yagize ati, “Aba bazungu bagifite ibikorwa by’irondaruhu bafashe aya mashusho banayakwirakwiza ku mbuga nkoranyambaga mu buryo bwo kwishimisha no gukoza isoni Victor Mlotshwa. Uku gukosa isoni nta kindi gushingiyeho uretse kuba ari umwirabura, bivuze ko iki gikorwa gitesheje abirabura bose agaciro.”
[ad id=”44145″]
Igihugu cy’Afurika y’epfo cyakunze kwibasirwa n’ibikorwa by’irondaruhu. Ibyibukwa cyane ni icyiswe Apartheid yibasiye iki gihugu kuva mu 1948 aho abirabura n’ubundi bwoko bw’abasangwabutaka bakandamizwaga na ba nyamuke b’abazungu ari nabo bihariraga ubuyobozi.
Kanda hano ujye ubona amakuru yihuse kandi kugihe kuri Facebook no kuri twitter
Theogene U @Bwiza.com
