Abantu bareganwa n’umuyobozi mu ishyaka rya Dr Christopher Kayumba (Rwandese Platform for Democracy,RPD), Nkusi Jean Bosco batangarije urukiko ko batamuzi n’ubwo baregwa mu rubanza rumwe. Ibi byatangajwe n’iri shyaka kuri Twitter kuwa 12 Mata 2021, rivuga ko yagejejwe imbere y’urukiko gusa abo bareganwa bakavuga ko batamuzi. RPD yagize iti ” Uyu munsi umuyoboke wacu ushinzwe Ubukangurambaga mu muryango wacu bwana Nkusi Jean Bosco yagejejwe imbere y’Urukiko asaba gufungurwa byagateganyo akaburana adafunze. Icyemezo cy’Urukiko kizasomwa tariki ya 15/04/2021 kandi abo areganwa nabo babwiye urukiko ko batamuzi!” Nkusi akurikiranweho icyaha cyo kwiyitirira urwego rwa Leta, RRA. Kurikira ibiganiro n’amavidewo binyura kuri Bwiza TV
