Abaturage bo mu Mujyi wa Newyork babashije guhabwa urukingo rwa Coronavirus, bagiye bahabwa umusogoto w’urumogi nk’ishimwe. Mu bukangurambaga bwo kuwa Gatatu tariki 21 Mata 2021, abaharanira ko urumogi rwakwemerwa nibo bagiye batanga ibihembo ku babaga bashaka guhabwa urumogi. Ibi byarabaye no mu Mujyi wa Manhattan aho nibura uwabaga yarahawe dozi imwe y’urukingo, yaba yemerewe guhabwa urumogi nk’igihembo. Umwe mu bari muri ubu bukangurambaga bwiswe ” Gutanga urumogi”, Michael O’Malley wari ahitwa Union Square, yabwiye AFP dukesha iyi nkuru ko ” Iyi ari inshuro ya mbere twicaranye, tugatanga urumogi mu buryo bwemewe n’amategeko.” VIDEWO: Malley avuga ko ibi ari ibigaragaza ko nabo bashyigikiye gahunda yo gukingira Coronavirus. Avuga ko ariko ari n’umwanya wo gusaba Leta ngo yemere ikoreshwa ry’ikimera cy’urumogi mu gihugu cyose. Kurikira ibiganiro n’amavidewo binyura kuri Bwiza TV
https://www.instagram.com/tv/CN7sJRZDlaw/
