Umuhanzi w’Umunyamerika, Aliaune Damara Badara Thiam uzwi nka Akon, kuri uyu wa 29 Gicurasi 2021 yahamagariye abo ku mugabane wa Afurika gukurikira umusozo (final) w’irushanwa rya Basketball, BAL, rimaze iminsi ribera i Kigali mu Rwanda.
Ni ubutumwa yatanze mu ijwi riri hejuru nk’iry’uwamamaza, nyuma y’aho hari hamaze kumenyekana amakipe agomba guhyrira ku musozo w’iri rushanwa.
Aya makipe ni US Monastir yo muri Tunisia yatsinze Patriots BBC yo mu Rwanda na Zamalek yo mu Misiri yatsinze Petro de Luanda yo muri Angola muri kimwe cya kabiri cy’umusozo w’iri rushanwa.
Akon ukomoka muri Senegal ati: “Igihe kirageze! Amakipe 12, imikon 26, umutsinzi umwe wa Afurika. Iri ni irushanwa rya mbere rya Basketball rikomeye muri Afurika. […] Kuri mwe mwese, nimukurikire ibi bihe byiza kuri Afurika. Uyu ni umukino wa nyuma w’umwaka wa BAL. […] Dukore amateka, ni BAL, #GameON ”
Iri rushanwa ryatangiye tariki ya 16 Gicurasi 2021, ryitabirwa n’amakipe 12, rikaba rirangira hakinwe imikino 26 nk’uko Akon yabivuze.
Umukino wa nyuma uraba kuri uyu wa 30 Gicurasi 2021 guhera saa kumi n’umugoroba, ubere muri Kigali Arena nk’uko bisanzwe.
Kurikira ibiganiro n’amavidewo binyura kuri Bwiza TV
