SADC yateye utwatsi ko RDF yajya muri Mozambique

SADC kuva mu mwaka ushize, ifite umugambi wo kujyana ingabo muri Mozambique ngo zihagarure umutekano gusa inama iheruka, bivugwa ko abarimo: Perezida wa Malawi, Dr. Lazarus McCarthy Chakwera, uwa Botswana, Dr. Mokgweetsi Eric Keabetswe Masisi, uwa Afurika y’Epfo, Cyril Ramaphosa, uwa Zimbabwe, Dr Emmerson Mnangagwa na Zanzibar Hussein Ali Mwinyi basanze atari igitekerezo cyiza.

Ubwo iyo nama ya Troika yategurwaga mbere gato, Perezida Nyusi wa Mozambique yari yatanze igitekerezo ko u Rwanda rwayitabira, abandi babitera utwatsi nk’uko The Chronicles dukesha iyi nkuru ibitangaza.

Amakuru akomeza avuga ko abandi baperezida babwiye Nyusi ko niba u Rwanda rushaka gufasha Mozambique kugarura umutekano, rwanyura mu buryo buteganywa na SADC busanzwe buhari.

Icyumweru kimwe mbere y’uko inama iba, Minisitiri w’Ububanyi n’Amahanga wa Afurika y’Epfo, Naledi Pandor yabwiye News24 ngo ” (…) SADC niyo igomba kuyobora iki kibazo. Hari ibihugu bimwe byagiranye amasezerano na Mozambique ariko igitekerezo cyacu ni uko SADC ari iza mbere kuri iyi ngingo.”

Biravugwa ko ibihugu nka Amerika (USA), Portugal n’ u Bufaransa nabyo byifuza kujya muri Mozambique.

SADC iteganya kohereza abasirikare ibihumbi bitatu muri Mozambique. Amakuru yagiye hanze avuga ko muri aba, 1,500 bagomba kuba ari ba kabuhariwe mu mirwano, bashinzwe operasiyo zihariye.

Ntibizwi niba u Rwanda ruzemera kohereza abasirikare barwo hagendewe ku buryo SADC ishaka ko bikorwamo mu gihe rutayibereye umunyamuryango.

Mozambique ihanganye n’umutekano muke mu majyaruguru yayo akungahaye ku mutungo kamere w’amabuye y’agaciro na peteroli. Habarurwa abantu 2,800 bishwe mu gihe ibihumbi byinshi bavuye mu byabo.

Uyu muryango ugizwe n’ibihugu bya: Angola, Botswana, Comoros, Democratic Republic of Congo, Eswatini, Lesotho, Madagascar, Malawi, Mauritius, Mozambique, Namibia, Seychelles, South Africa, Tanzania, Zambia na Zimbabwe.

Kurikira ibiganiro n’amavidewo binyura kuri Bwiza TV

XMA Header Image
Macro yacecekesheje abumvaga ko bitashoboka\abanyarwanda bitegure rwose! Hari ibintu-Assouman
youtube.com