Abanyekongo 6 bagize umuryango umwe bari batuye mu ntara ya Bloemfontein muri Afurika y’Epfo, basanzwe mu nzu bapfuye, bikaba bikekwa ko bishwe.
Ambasaderi wa Repubulika ya Demukarasi ya Congo muri Afurika y’Epfo, Bene Mpoko yahamirije Radio Top Congo aya makuru kuri uyu wa 2 Kamena 2021.
Ambasaderi Mpoko yavuze ko aba bantu bose baherukaga kugaragara mu minsi 10 ishize ari bazima, mu gusobanura ko haba hashize igihe kinini bapfuye.
Yagize ati: “Umuryango ukomoka muri RDC wabaga mu Ntara ya Bloemfontein muri Afurika y’Epfo wose wasanzwe wapfuye, abawugize baherukaga kugaragara ari bazima mu minsi 10 ishize.”
Uyu mudipolomate yavuze ko atamenya impamvu y’urupfu rw’aba bantu, gusa ngo polisi yatangiye gukora iperereza, kugira ngo iyimenye.
Kurikira ibiganiro n’amavidewo binyura kuri Bwiza TV
