Umufasha wa perezida wa Repubulika, Jeannette Kagame, na mugenzi we wo muri Gabon, Sylvia Bongo Ondimba kuri uyu wa Gatatu ushize basuye Ikigo cyita ku ndwara za cancer cyo mu murwa mukuru Libreville(Institut de Cancérologie of Libreville) ndetse banasura Maison d’Alice.
[xyz-ihs snippet=”google-pub”]
Uku gusura kukaba kwarabaye mu gihe madamu wa perezida wa repubulika yari muri iki gihugu yitabiraye inama ya 8 idasanzwe y’Ibihugu bihuriye mu Muryango w’ubukungu uhuza Ibihugu bya Afurika yo Hagati (CEEAC) yateraniye muri Gabon aho yari yaherekeje umukuru w’igihugu.
Madamu Jeannette Kagame muri icyo kigo cyita ku ndwara za cancer akaba yeretswe ikoranabuhanga gikoresha nk’uko itangazo ryaturutse mu biro by’umufasha w’umukuru w’igihugu muri gabon rivuga.
Iki kigo gitanga serivisi zitandukanye zirimo kuvura cancer, radiotherapy, nuclear medicine, na laboratwari ipima cancer n’izindi ndwara z’ibyorezo hifashishijwe amatembabuzi ava mu mubiri nk’inkari, amaraso ndetse n’uruhu (Anatomy Pathology ).
[xyz-ihs snippet=”google-pub”]
Iyi nkuru irakomeza ivuga ko serivisi zitangwa n’iki kigo ziterwa inkunga na politiki ya guverinoma yo kurwanya cancer iha icyizere cy’ubuzima abarwayi ba cancer mu gihugu.
Umufasha wa perezida wa Gabon , Sylvia Bongo kandi yasabye mugenzi we, Jeannette Kagame inzu y’ubuzima; yitwa La Maison d’Alice, yiswe gutyo mu rweo rwo guha icyubahiro umugore wa mbere wo muri Gabon wakize cancer.
Iyi nzu ikaba iha inkunga abarwaye cancer mu buryo butandukanye nko mu mibereho ndetse no kubagira inama zituma bakomera mu gihe bavurwa.
Tubibutse ko madamu Jeannette Kagame yaherukaga mu gihugu cya Gabon mu kwezi kwa kamena muri uyu mwaka, aho yari yagiye ku butumire bwa mugenzi we, Sylvia Bongo gufatanya nawe kwizihiza umunsi mpuzamahanga wahariwe abapfakazi wemejwe na Loni mu 2010 bigizwemo uruhare na Sylvia Bongo.
Kanda hano ujye ubona amakuru yihuse kandi kugihe kuri Facebook no kuri twitter
Â
Â
Dennis Ns./Bwiza.com
