Urwego rw’Igihugu rw’Ubugenzacyaha, RIB, rwatangaje ko rwataye muri yombi abantu batandatu bagaragaye basagararira umucamanza mu rukiko rw’ibanze rwa Kamembe mu Karere ka Rusizi.
Mu butumwa RIB yacishije ku rubuga rwa Twitter, yatangaje iti: “RIB yafunze batandatu bakurikiranweho gusagararira umucamanza no kuvogera inyubako y’urukiko rw’ibanze rwa Kamembe tariki ya 9 Nyakanga 2021.”
Aba baturage bumvikanye mu itangazamakuru basobanura ko impamvu bagabye igisa n’igitero ku mucamanza, ari uko uru rukiko rwafashe icyemezo cyo kurekura by’agateganyo uwo baregaga ubwambuzi, ngo akaba yarabinjije mu bimina bitemewe bikoresha ihererekanya ry’amafaranga rizwi nka ‘pyramid’.
Inkuru bifitanye isano https://bwiza.com/?Ubucamanza-bwanenze-abashatse-gukubita-umucamanza-n-umwanditsi-w-urukiko
Basabaga ko urukiko ruvuguruza umwanzuro rwari rwatanze, uwo barega agafungwa, abandi babinjije muri ibi bimina na bo bagakurikiranwa n’ubutabera.
RIB iributsa ko utishimiye imyanzuro y’urukiko, aba akwiye kujurira nk’uko amategeko abiteganya. Naho “kuvogera urukiko cyangwa kugirira urugomo urwo ari rwo rwose ku mucamanza cyangwa undi muyobozi uwo ari we wese mu gihe akora umurimo ashinzwe cyangwa ari wo biturutseho, ni icyaha gihanwa n’amategeko.”
Ivuga ko uhamijwe iki cyaha, ahanishwa igifungo kitari munsi y’imyaka itatu ariko kitarengeje imyaka itanu.
Aba baturage bafashwe bose bafungiwe kuri sitasiyo ya RIB ya Kamembe mu gihe iperereza rikomeje kugira ngo dosiye yabo ishyikirijwe ubushinjacyaha.
2 Responses
Rusizi: Batandatu bafunzwe bakurikiranweho gusagararira umucamanza
Jye ndabona ntakosa bakoze kuko uwo mucamanza biragaragarako yarekuye uwo muntu muburyo budasobanutse. Nange ntawandira ibyange agume yidegembye ngo nuko afitanye amasano n’abakomeye wapi
Rusizi: Batandatu bafunzwe bakurikiranweho gusagararira umucamanza
Jye ndabona ntakosa bakoze kuko uwo mucamanza biragaragarako yarekuye uwo muntu muburyo budasobanutse. Nange ntawandira ibyange agume yidegembye ngo nuko afitanye amasano n’abakomeye wapi