Umusore wo muri Zambia usa nk’umunyarwenya Kevin Hart akomeje gutangaza benshi – Amafoto

Umusore wo muri Zambia usa neza neza n’Umunyarwenya w’icyamamare w’Umunyamerika Kevin Hart akomeje gutangaza abantu batandukanye barimo na Kevin ubwe wivugiye ko wagirango we n’uyu musore bavuye mu nda imwe.

Uyu munyazambia witwa John Bidemi ukoresha izina rya Arabmoney44 kuri instagram asanzwe azwi cyane kuri TikTok na Twitter, aho akunze gufatwa nka Kevin Hart wo muri Zambia.

Mu kiganiro yagiranye na Breakfast Club, Hart yagaragaje ko nawe yatunguwe n’uyu musore ndetse avuga ko wagirango bombi babyawe n’umugore umwe.

Ati “ Uyu musore mu by’ukuri arasa nkanjye ntabwo ari imikino. Arasa nk’umuvandimwe wanjye.”

Yabajijwe niba yaba yarakoresheje ADN ngo asuzume igisekuru cye bagirango bamubaze ko ba sekururza bashobora kuba badakomoka muri Zambia, ariko arabihakana avuga ko nta mpamvu afite yatuma abikora.

Umwe mu bakoresha imbuga nkoranyambaga we yagize ati ” Ndibaza nawe niba uri mugufi nka Kevin!”

Kurikira ibiganiro n’amavidewo binyura kuri Bwiza TV