Kuri uyu wa Kane, itariki 14 Kanama 2021, Igisirikare cya Uganda (UPDF) cyasereye abasirikare bo ku rwego rwa ofisiye bakuru n’abato n’abandi basirikare 604, kongeraho abajenerali 14, bagiye mu zabukuru.
Amakuru atangazwa na Chimpreports aravuga ko mu bantu basirikare bagiye mu zabukuru harimo, Lt Gen. Pecos Kuteesa, umwe mu bari bahagarariye igisirikare mu nteko, na Maj. Gen. Fred Mugisha, wabaye komanda wa 4 w’ingabo za AMISOM muri Somalia.
Abandi bivugwa ko basezererwa barimo Brig. Gen. John Kasaija, wakoze imirimo itandukanye nko kuba Defence Attache, na Brig. Gen. Christopher Kazoora, ubu wari uyoboye ingabo za UPDF muri Kaweweta.
Abandi ni Maj. Gen. Vincent Oula na Brig. Gen. Moses Lukyamuzi.
Itangazo rya UPDF ryashyizwe ahagaragara rivuga ko umuhango wo gusezerera aba basirikare bo ku rwego rwa jenerali wabereye ku ngoro y’umukuru w’igihugu I Entebbe, mu gihe abandi bari gusezerererwa aho babarizwa.
Kurikira ibiganiro n’amavidewo binyura kuri Bwiza TV
