Umwamikazi w’u Bwongereza, Elizabeth II yaraye mu bitaro nyuma y’aho abaganga be bari bamaze kumugira inama yo kutagirira uruzinduko muri Northern Ireland; kimwe mu bihugu biri mu bwami bwe.
Tariki ya 20 Ukwakira 2021 ni bwo abaganga bagiriye Umwamikazi iyi nama yo kutagira uru ruzinduko, bamusaba kuruhuka.
Itangazo ryaturutse mu ngoro ye, Buckingham Palace kuri uyu wa 21 Ukwakira rivuga ko nyuma y’aho, yahise ajyanwa mu bitaro kugira ngo hakorwe iperereza ku kibazo yaba afite. Riti: “Nyuma y’inama yo kuruhuka iminsi mike, Umwamikazi yagiye ku bitaro ikigoroba ku wa Gatatu kugira ngo hakorwe iperereza ry’ibanze.”
Iyi ngoro ivuga ko Umwamikazi [ufite imyaka 95 y’amavuko] yasubiye nyubako ya Windsor mu masaa sita y’amanywa, ubu ngo ameze neza.
