Intagondwa zo mu mutwe wa Al Shabab zarashe zica umushinjacyaha mu rukiko rwa gisirikare mu ntara ya Somalia yigenga bicagase yitwa Puntland kuri iki Cyumweru nk’uko byemejwe n’ababibonye ndetse n’abayobozi.
Abarwanyi ba Al Shabab ngo baba bafite gahunda yo kwirukana ingabo za Afurika Yunze Ubumwe zigakuraho guverinoma, zigatangiza kugendera ku matwara ya kisilamu muri iki gihugu cyo mu Ihembe rya Afurika.
Ibiro Ntaramakuru by’Abongereza Reuters byatangaje ko uyu mushinjacyaha witwa Abdikarim Hassan Firdiye yarashwe mu mutwe ku Cyumweru ubwo yasohokaga mu modoka ye hanze ya resitora yo mu mujyi wa Bosasso ari nawo munini muri Puntland.
Mu minsi micye ishize Al Shabab na none yivuganye mu buryo nk’ubu umukozi w’akarere, mu gihe mbere yahoo yari yivuganye umuyobozi wungirije w’igipolisi hanze ya hotel.
[xyz-ihs snippet=”google-pub”]
Bivugwa ko abana b’ingimbi 2 bari bafite imbunda nto zo mu bwoko bwa pistols, ari bo barashe mu mutwe umushinjacyaha ubwo yari asohotse mu modoka ye nk’uko byanemejwe na Hassan Ahmed, ukora muri iyo resitora bamurasiye iruhande.
Abdifatah Haji Aden, chairman w’Urukiko rwa Gisirikare rwa Puntland, yatangaje ko bizeye neza ko abishe abayobozi babiri bavuzwe haruguru mu minsi ishize ari nabo bakoze ubu bwicanyi.
Al Shabab yo ikaba yahise inigamba iki gikorwa cy’ubwicanyi.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
