Museveni yahamagaje inama y’abayobozi ba Afurika y’Iburasirazuba yo kwiga kuri Ethiopia

Perezida Yoweri Museveni wa Uganda yahamagaje inama y’abayobozi ba Afurika y’Iburasirazuba ku itariki ya 16 Ugushyingo, igomba kuganirirwamo ikibazo cy’intambara yo muri Ethiopia.

Ibi byatangajwe kuri uyu wa Kane n’Umunyamabanga wa Leta muri Minisiteri y’Ububanyi n’Amahanga ya Uganda, Okello Oryem nk’uko iyi nkuru dukesha Reuters ivuga.

Yagize ati “ Perezida Museveni arimo kuvugana na Minisitiri w’Intebe, Abiy ku biri kuba muri Ethiopia kandi yagaragaje impungenge ku kwanga kujya mu mishyikirano kw’umutwe wo muri Tigray ngo bagere ku kugahagarika imirwano. Dufite impungenge rero.”