Perezida wa Repubulika ya Mozambique, Filipe Nyusi yirukanye Minisitiri w’Ingabo Jaime Neto n’uw’Umutekano w’Imbere mu gihugu, Amade Miquidade.
Itangazo ryirukana Minisitiri Neto ryasohotse kuri uyu wa 10 Ugushyingo 2021, rigira riti: “Perezida wa Repubulika, Filipe Jacinto Nyusi yirukanye Jaime Bessa Augusto Neto mu biro bya Minisitiri w’Ingabo.”
Iri tangazo ryasohotse nyuma y’iryirukana Minisitiri Miquidade, gusa impamvu aba bombi birukanywe ntabwo iramenyekana.
Perezida Nyusi yari yarashinze Neto kuyobora by’umwihariko ibikorwa byo kurwanya umutwe w’iterabwoba wegamiye kuri Isilamu uhungabanya umutekano w’intera ya Cabo Delgado.
