Polisi ikorera mu mujyi wa Kinshasa muri Repubulika ya Demukarasi ya Congo iherutse guta muri yombi Abashinwa 20 n’Abanyakoreya 7 bakekwaho gukora uburaya no kubwinjizamo abandi.
Baterewe muri yombi kuri Avenue Mandariniers muri Komine ya Gombe muri uyu mujyi tariki ya 15 Ugushyingo 2021. Uwo munsi polisi yafashe n’abagabo batatu barimo: umushoferi, ushinzwe kurinda umutekano n’umuseriveri (waiter).
Umushinjacyaha Edmond Isofa wo muri Kinshasa yasobanuriye itangazamakuru ko aba Bashinwa bakekwaho kwinjiza abakobwa muri iki gihugu, bakabona viza (visa) babifashijwemo n’umwe mu bakozi bo muri Minisiteri y’Ububanyi n’Amahanga, ubundi bagakora uburaya.
Inzego zibishinzwe zakomeje iperereza kuri uyu wa 17 Ugushyingo 2021 mbere y’uko zigeza abakurikiranwe imbere y’urukiko rwa Gombe.
