Indege y’intambara y’igisirikare cy’u Bwongereza kirwanira mu mazi ya F-35 B, yaguye mu nyanja ya Mediterane kuri uyu wa 17 Ugushyingo 2021, umusirikare wayitwaraga ararokoka.
Minisiteri y’Ingabo y’u Bwongereza yatangaje ko iyi ndege yaguye muri Mediterane mu gitondo ubwo yari imaze guhaguruka ku bwato bunini yariho bwa HMS bwitiriwe Umwamikazi Elizabeth. Yagize iti: “Umupilote yavuyemo, asubira amahoro ku bwato.”
Ubwo iyi ndege yari imaze gukora iyi mpanuka, Leta y’u Bwongereza yahise itangira iperereza kugira ngo imeye icyaba cyayiteye nk’uko iyi Minisiteri ikomeza ibivuga.
Iyi ndege yari mu bugenzuzi bw’aya mazi, ni imwe mu nshya igisirikare cy’u Bwongereza gifite kandi zihenze cyane. Agaciro kayo kabarirwa muri miliyoni 100 z’Amayero.
