Kuri uyu wa Kane, itariki ya 18 Ugushyingo, Polisi ya Uganda yavuze ko Sheikh Muhammad Abbas Kirevu yarasiwe ahitwa Nsangi, mu Karere ka Wakiso nyuma yo guhangana n’abashinzwe umutekano bari boherejwe kugira ngo bamufate.
Umuvugizi wa polisi, Fred Enanga yavuze ko Sheikh Kirevu yari afite inshingano zo guhuza no kwinjiza bamwe mu Banya Uganda mu mutwe w’inyeshyamba za Allied Democratic Force (ADF) zishinjwa kuba inyuma y’ibitero by’ubwiyahuzi bya bombe byibasiye Kampala kuri uyu wa Kabiri ushize byaguyemo abantu barindwi barimo abiyahuzi batatu.
“Sheikh Muhammad Kirevu yishwe ubwo yahanganaga n’itsinda ryacu ry’umutekano ubwo yageragezaga kwanga gutabwa muri yombi. Ni umwe mu bagize akanama gashinzwe kwinjiza no guhuza ibikorwa bya ADF mu gihugu. “CP Enanga mu kiganiro n’abanyamakuru ku cyicaro gikuru cy’ingabo i Naguru, Kampala.
Enanga avuga ko abashinzwe umutekano ubu barimo guhiga na Sheikh Sulaiman Nsubuga, utuye Kajjansi, ku muhanda wa Entebbe n’abandi kubera kugira uruhare mu gushakira abarwanyi umutwe w’inyeshyamba no guhuza ibikorwa muri Uganda.
Ati: “Ni umwe mu bagiye bashaka bakaninjiza Abagande muri DR Congo kugira ngo bitoze.
Ku wa kabiri nk’uko iyi nkuru dukesha Daily Monitor ivuga, ibitero byabaye byabaye bikurikiranye, aho abiyahuzi babiri biyahuriye kuri moto bihinduye nk’abamotari” biturikirazaho ibisasu hafi y’Inteko Ishinga Amategeko, mu gihe uwagabye igitero cya gatatu yibasiye bariyeri hafi ya sitasiyo ya polisi nkuru ya Kampala.
