Bose bamenyekanye: Abatorewe kuyobora uturere tw’igihugu

Kuri uyu wa 19 Ugushyingo 2021, mu turere 27 tugize intara y’Amajyaruguru, Amajyepfo, Iburasirazuba n’Uburengerazuba habaye amatora ya biro y’Inama Njyanama na Komite Nyobozi y’Uturere; igizwe n’Umuyobozi w’Akarere uzwi nka Meya, umwungirije ushinzwe ubukungu n’ushinzwe imibereho myiza y’abaturage (ba Visi Meya).

Hano hari abayobozi batorewe kuyobora utu turere twose:

Mu Burasirazuba

• Mu Karere ka Bugesera kari mu Ntara y’Iburasirazuba, Mutabazi Richard wari usanzwe akayobora kuva mu 2018 yongeye kwegukana uyu mwanya.

• Gasana Richard wari usanzwe ayobora Akarere ka Gatsibo yongeye gutorerwa iyi nshingano.
• Gasana Stephen yatorewe kuyobora Akarere ka Nyagatare.
• Nyemazi Jean Bosco yatorewe kuyobora Akarere ka Kayonza.
• Rangira Bruno yatorewe kuyobora Akarere ka Kirehe.
• Mbonyumuvunyi wari usanzwe ari Meya w’Akarere ka Rwamagana yongeye gutorerwa iyi nshingano.
• Niyonagira Nathalie yatorewe kuyobora Akarere ka Ngoma.

Mu Majyepfo

• Murwanashyaka Emmanuel yegukanye kuyobora Akarere ka Nyaruguru. Asanzwe ari umwarimu muri kaminuza y’u Rwanda na PIASS.

• Ntazinda Erasme wari usanzwe ari Umuyobozi w’akarere ka Nyanza yongeye gutorerwa iyi nshingano. Visi Meya ushinzwe ubukungu ni Kajyambere Patrick, ushinzwe imibereho myiza ni Kayitesi Nadine.

• Sebutege Ange wari usanzwe ari Umuyobozi w’Akarere ka Huye yongeye gutorerwa iyi nshingano.
• Rutaburingoga Jerome wari usanzwe ari Umuyobozi w’Akarere ka Gisagara yongeye gutorerwa iyi nshingano.
• Kayitare Jacqueline wari usanzwe ari Umuyobozi w’Akarere ka Muhanga yongeye gutorerwa iyi nshingano.
• Niyomwungeri Hildebrand yatorewe kuyobora Akarere ka Nyamagabe.
• Dr Nahayo Sylvere yatorewe kuyobora Akarere ka Kamonyi.
• Habarurema Valens yatorewe kuyobora Akarere ka Ruhango.

Mu Majyaruguru

• Mukanyirigira Judith yatorewe kuyobora Akarere ka Rulindo. Asimbuye Kayiranga Emmanuel wari usanzwe afite iyi nshingano.

• Mu Karere ka Gicumbi, Nzabonimpa Emmanuel wari usanzwe ashinzwe imirimo Rusange mu Karere ka Gatsibo yegukanye uyu mwanya.
• Uwanyirigira Marie Chantal wari usanzwe ari Meya wa Burera yongeye gutorerwa iyi nshingano.
• Ramuri Janvier atorewe kuyobora Akarere ka Musanze. Asimbuye Nuwumuremyi Jeannine.
• Nizeyimana Jean Marie Vianney atorewe kuyobora Akarere ka Gakenke. Asimbuye Nzamwita Déogratias.

Mu Burengerazuba

• Kambogo Ildephonse yatorewe kuyobora Akarere ka Rubavu.
• Nkusi Christophe yatorewe kuyobora Akarere ka Ngororero.
• Mukamasabo Appolonie yatorewe kuyobora Akarere ka Nyamasheke.
• Dr Kibiriga Anicet atorewe kuyobora Akarere ka Rusizi. Asimbuye Kayumba Ephrem.
• Murekatete Triphose yatorewe kuyobora Akarere ka Rutsiro.
• Mukandayisenga Antoinette yatorewe kuyobora Akarere ka Nyabihu.
• Mukarutesi Vestine yatorewe kuyobora Akarere ka Karongi.