Minisitiri w’Ububanyi n’amahanga w’u Bubiligi, Didier Reynders, yavuze ko bababajwe n’urupfu rwa Minisitiri Niyonkuru, warasiwe mu Burundi mu ijoro ryo kuri uyu wa 1 Mutarama 2017.
[xyz-ihs snippet=”google-pub”]
Abicishije ku rukuta rwe rwa Twitter, Minisitiri Didier Reynders yagize ati: “Ngaye igitero cyagabwe kuri Minisitiri Niyonkuru, nkabifuriza amahoro n’ubwiyunge mu gihugu”.
Ibi abitangaje mu gihe Leta y’u Burundi iherutse gutangaza ko ibibera mu Burundi muri iki gihe atari ubuyobozi bubi bafite ahubwo ko ari ingaruka z’amateka mabi y’u Burundi bwanaciyemo mu myaka yashize.
[xyz-ihs snippet=”google-pub”]
Aha kandi Ububiligi butungwa agatoki ko ari bwo soko y’ibibazo u Burundi buhura nabyo kugeza n’iyi saha, umubano w’ibi bihugu byombi ukaba warazambye kuva umwaka wa 2015, ubwo mu Burundi hatangiraga imyigaragambyo.
Min. Emmanuel Niyonkuru yarasiwe mu mujyi wa Bujumbura, umugore bari kumwe we ararokoka akaba yarahise atabwa muri yombi gukorerwaho iperereza, apfuye yari Minisitiri w’amazi n’ibidukikije.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Theoneste/Bwiza.com
