Minisiteri y’Ingabo za Uganda yashyize ahabona amafoto y’abasirikare b’iki gihugu bari kurwanya umutwe w’iterabwoba wa ADF mu burasirazuba bwa Repubulika ya Demukarasi ya Congo, ADF.
Iyi operasiyo yahawe izina rya Shujja iri gukorwa n’ingabo zirwanira ku butaka, izikoresha indege, imodoka z’intambara n’intwaro ziremereye hamwe n’umutwe w’ingabo zidasanzwe, SFC, iyobowe na Maj. Gen. Kayanza Muhanga usanzwe ari Komanda wa Diviziyo y’Ingabo zirwanira mu misozi. Bivugwa ko afatanyije na Lt. Gen. Muhoozi Kainerugaba washinze SFC.
Igambirye gusenya ibirindiro bya ADF by’umwihariko bya Yayuwa, Tondoli, Beni I na Beni II.
Iyi Minisiteri ivuga ko abasirikare ba Uganda bashinze ibirindiro mu gace ka Mukakati kari muri Kivu y’Amajyaruguru, mu bilometero 18 uvuye ku mupaka. Aha ni ho Gen. Muhanga ari kuyoborera iyi operasiyo.
