Perezida wa Uganda akaba n’umugaba w’ikirenge w’ingabo, arahindura Umuvugizi w’ingabo za Uganda na Minisiteri izishinzwe, Brig. Gen. Flavia Byekwaso na Komanda w’agateganyo w’umutwe w’ingabo zidasanzwe (SFC), Brig. Gen. Peter Chandia.
Daily Monitor dukesha aya makuru ivuga ko ku wa Kabiri w’icyumweru gishize ari bwo aba basirikare bamenyeshejwe ko barajya kwiga amasomo y’igisirikare mu ishuri rishya riherutse gushingwa rya Jinja.
Ngo mbere y’uko bajya ku masomo rero, bagomba gusimburwa n’ababungirije kuri iyi nshingano.
Gen. Byekwaso Abajijwe niba aya makuru ari impamo, yabyemeje ati: “Ni impamo. Ngiye ku masomo.”
Gen. Byekwaso yasimbuye kuri iyi nshingano Brig. Gen. Richard Karemire muri Kanama 2020, Chandia asimbura Lt Gen. Muhoozi Kainerugaba wagizwe umugaba w’ingabo zirwanura ku butaka muri Kamena 2021.
